![](https://sportski.mk/wp-content/uploads/2024/07/b-850x491.webp)
Англија ја победи Словачка со 2:1 во неверојатен натпревар од осминафиналето на Европското првенство и се пласираше во четврт-финалето каде ќе игра против Швајцарија.
Словачка поведе со голот на Иван Шранц во 25. минута и водеше до судиското надополнување. Но, потоа во четвртата минута израмни Џуд Белингем со ножички, а во првата минута од продолжението Хари Кејн погоди за голем пресврт.
Битка на најтрофејните, Роналдо благодарен на Кошта! ↓↓↓
Повеќе од 90 минути Англија играше лошо. Избраниците на Герет Саутгејт одиграа бавно, безидејно и со таков пристап што ги изненади и самите Словаци, кои веројатно очекуваа големиот фаворит да притисне уште од првата минута.
„Кога сте на 30 секунди од враќањето дома и се чувствувате како да сте ја изневериле нацијата, а потоа со еден удар на топката направите пресврт. Не сакам, но кога ќе се случи, тоа е одлично чувство“, изјави Белингем по натпреварот.