Англиската легенда жестоко удри по Италијанците: Шокиран сум колку беа грозни!

Репрезентацијата на Италија денеска беше елиминирана од Швајцарија во осминафиналето на Европското првенство со пораз од 2:0.

Актуелните европски шампиони изгледаа лошо на теренот и така се простија од надежта дека можат да ја одбранат титулата. Швајцарија победи со головите на Ремо Фреулер и Рубен Варгас.

Швајцарија доминираше од првата минута на теренот и Италија апсолутно не заслужи да победи. Жестоки критики за Италијанците имаше и легендарниот Алан Ширер.

„Навистина сум шокиран колку Италија беше грозна, не понудија ништо на ниту една позиција и беа катастрофални цел натпревар. Швајцарија си поигруваше со нив“, изјави Ширер.