Колегата на Димитриевски е најдобар голман на ЕП!

Грузискиот голман Георги Мамардашвили блеска на овогодинешното Европско првенство.

Ова не е изненадување бидејќи Мамардашвили две сезони брани на врвно ниво во дресот на Валенсија и со само 24 години е еден од најдобрите голмани во Ла Лига.

Мамардашвили забележа дури 20 одбрани на овој шампионат и е убедливо прв во таа категорија со Флоријан Ница кој е следен на листата со 13. Следни се Ангус Ган и Донарума со 12.

Ваквите настапи на Мамардашвили само ќе придонесат Валенсија уштеп поскапо да го продаде. Според информациите клубот од „Местаља“ за неговите услуги ќе бара 40 милиони евра. Ќе потсетиме, македонскиот голман Столе Димитривски веќе потпиша за Валенсија и тој ќе биде наследникот на Грузиецот.

Засега нема најави кои клубови се најблиску до потписот на Мамарадшвили кој имаше контакти со Баерн, но таа ситуација не стана поконкретна.