„Јас сум во шок!“: Селекторот на Данска изненаден од тоа што го направи Пикси

По ремито 0:0 со Србија, Данците обезбедија пласман во следната фаза од натпреварувањето. Избраниците на тренерот Каспер Хјулманд одиграа колку што беше доволно за да се постигне поволен резултат и сега ги чека осминафиналето.

Србија ги пакува куферите, а по натпреварот Хјулманд истакна дека селекторот на Србија Драган Стојковиќ Пикси го изненадил со изборот на играчи.

Да бидам искрен, да, во шок сум. Го немаше Влаховиќ, Сергеј Милинковиќ Савиќ, Тадиќ… Самарџиќ ми се допаѓа како играч, имаше одлична сезона во Удинезе, беше одличен пред некој ден и го очекував против нас. А знаевме дека ќе се соочиме со момците кои останаа на клупата во вториот дел, бидејќи Србите кои влегоа беа свежи, не притиснаа со четворица напаѓачи и очигледно тоа беше планот на тренерот Стојковиќ.

За среќа, успеавме да одговориме на тоа – истакна данскиот стратег и призна дека не ги земал предвид жолтите картони, кои биле клучни во дуелот со Словенија и борбата за второто место на табелата:

Не мислев на тоа, но се договоривме пред натпреварот да не добиеме некој глупав картон. Не можете да играте на важен натпревар мислејќи дали ќе бидете санкционирани или не.