Шпанскиот суд денеска нареди замрзнување на банкарската сметка на компанијата предводена од поранешниот фудбалер на Барселона Жерар Пике, сметката ќе остане блокирана додека трае истрагата за бизнис зделката за префрлање на домашното натпреварување од Суперкупот во Саудиска Арабија.
Судот ги потврди извештаите на локалните медиуми дека истражниот судија Делија Родриго постапил по барањето на државниот обвинител за замрзнување на банкарска сметка на компанијата Космос, која ја основа Пике.
Пред дербито, падна најважниот потпис во Манчестер Сити! ↓↓↓
Шпанската полиција го уапси поранешниот претседател на Шпанската фудбалска асоцијација Луис Рубиалес претходно овој месец како дел од истрагата за корупција и активности за перење пари за време на неговиот мандат. Уште седум лица беа уапсени во март кога полицијата изврши претрес на канцелариите на Федерацијата во Мадрид и домот на Рубиалес во Гранада.
Рубиалес го „пресели“ одржувањето на натпреварот од Суперкупот на Шпанија во Саудиска Арабија во 2020 година, со договор наводно вреден 40 милиони евра по година. Пике, кој во тоа време играше за Барселона и играше во Суперкупот на Шпанија, наводно помогнал да се заврши зделката преку неговата компанија Космос.
Државните обвинители започнаа истрага за договорот во 2022 година, откако беа обелоденети аудио снимки од разговори помеѓу Рубиалес и Пике во врска со мито од милиони долари.
Учество во игри на среќа е дозволено за лица со 18+ години. Играј одговорно!