Ѓоковиќ ја објасни разделбата со Иванишевиќ: Не знам дали ќе имам нов тренер

Новак Ѓоковиќ во Белград зборуваше за разделбата со Горан Иванишевиќ и истакна дека помеѓу нив немало никаков конфликт и едноставно дошло време за разделба.

Во Белград српскиот тенисер присуствуваше на филмот за неговиот тениски татко Никола Пилиќ.

„Горан е пред се доживотен пријател, мој и на моето семејство, ми е исклучително драг и тоа што ја прекинавме соработката не значи дека ќе престанеме да се дружиме, напротив. Разделбата беше позитивна. колку што може“, изјави Ѓоковиќ.

„Едноставно, дојде до точка на заситеност, почувствувавме дека е време да се разделиме по речиси шест години соработка, каде што испишувавме страници од тениската историјата, освоивме голем број Грен слемови и завршивме неколку години на првата позиција. Поминавме и низ лоши моменти, преку депортација, дисквалификации… Многу моменти кои не се воопшто пријатни ниту за него како мој тренер, ниту за мене, и покрај се тој секогаш беше тука за мене.

Најави Ѓоковиќ и дека можеби нема да има нов тренер.

„Поради таквиот однос и таквата хемија, самиот резултат дојде како последица, нуспојава од сето тоа. Му посакувам се најдобро во кариерата. Што се однесува до следната фаза и поглавје во контекст на тренерот сеуште немам јасна претстава кој би можел да биде и дали воопшто ќе има некој“.

Ѓоковиќ и Иванишевиќ заедно соработуваа од 30-ти јуни 2019 година кога хрватскиот стратег му се придружи во првата недела од Вимблдон.