Ердон Даци потпиша за Беверен

Македонскиот репрезентативец Ердон Даци во пролетниот дел од сезоната ќе го носи дресот на Беверен.

Даци е член на Вестерло, кој се согласи да го пушти на шестмесечна позајмица во Беверен.

„Ердон доаѓа на позајмица до крајот на сезоната. Досега постигна три гола за Вестерло и се покажа како важен фудбалер, па очекувам да биде големо засилување за нас“, истакна спортскиот директор Том Ван ден Абиле.

25-годишниот офанзивец пред да се пресели во Белгија ги бранеше боите на турскиот Коњаспор.