Српскиот тенисер Новак Ѓоковиќ и официјално потврди дека нема да настапи на АТП 500 турнирот во Дубаи кој ќе се игра од 26-ти февруари до 2-ри март). Отсуството на Ѓоковиќ од овој турнир значи и ново губење на бодови на ранг-листата.
Зошто проблемот со улични кучиња СÈ УШТЕ постои? | Уште еден поткаст
Сепак и покрај тоа што ќе загуби бодови, Ѓоковиќ ќе остане лидер. Минатата година Србинот стигна до полуфиналето каде што беше поразен од Данил Медведев и ќе остане без 180 бодови. Претходно на Австралија Опен најдобриот светски тенисер остана без 1.200 откако не успеа да ја одбрани титулата.
Во моментов Ѓоковиќ има 9.855 бода, Алкараз е зад него со точно 600 помалку, Медведев е трет со 8.765, додека освојувачот на Австралија Опен, Јаник Синер со 8.300 бода е четврти тенисер во светот.
Следен турнир на кој Ѓоковиќ ќе настапи ќе биде Индијан Велс и тоа ќе биде можност Србинот да освои нови бодови бидејќи минатата година не настапи тука.
Учество во игри на среќа е дозволено за лица со 18+ години. Играј одговорно!