Ферстапен победник на првата трка во Лас Вегас

Првата исторска трка во Лас Вегас во Формула 1 донесе интересна и возбудлива трка, а на крајот прв низ целта помина, Макс Ферстапен.

Трикратниот светски шампион во болидот на Ред Бул се врати од казна од пет секунди и откако падна на петтото место. Холанѓанецот прв ја мина целта низ улиците на Лас Вегас за 18-та сезонска победа.

Серхио Перез имаше најголем напредок, дојде и до втората позиција, но Шарл Леклер успеа да си ја врати позицијата и да се искачи на второто место на подиумот оставајќи го Перез на третото место.

Бодови во Лас Вегас освоија уште Окон, Строл, Саинц, Хамилтон, Расел, Алонсо и Пјастри.