Херојот на Челзи доби деби повик за Англија пред натпреварот со Македонија

Селекторот на Англија, Герет Саутгејт се соочи со неколку повреди на важни фудбалери пред репрезентативниот циклус во кој Англија ќе игра и против Македонија.

По повредите на Џејмс Медисон и Калум Вилсон, повик од Саутгејт доби 21-годишниот Кол Палмер од Челзи кој сезонава игра одлично.

Палмер беше стрелец и за викендот во дербито против Сити и тоа во самата завршница за реми 4:4. Во репрезентацијата повик доби и фудбалерот на Манчестер Сити, Рико Луис.

И за двајцата ова е дебитантски повик за сениорскиот тим на „Гордиот Албион“. Треба да се спомене и дека неизвесен за гостувањето во Скопје е Џуд Белингам кој се повреди пред натпреварот против Валенсија.