Лукаку: Ако почнам да зборувам многу луѓе ќе се шокираат

Белгискиот фудбалер Ромелу Лукаку минатото лето замина од Челзи и се пресели во Рома, иако преговараше претходно со Интер и Јувентус.

Лукаку призна дека имал неколку добри понуди од Саудиска Арабија, но немал добро чувство за преселба во државата и затоа решил да остане во Италија.

Напаѓачот се прилагоди во Рим и почна да постигнува голови за екипата на Жозе Мурињо, па постои можност да биде откупен идното лето.

„Разговарав со претставници на Ал Хилал, тоа е еден од најголемите клубови во С. Арабија, но имав лошо чувство. Летово слушав многу глупости. Повеќе од луѓето во оваа сала ме познаваат и ќе дојде време кога ќе ја кажам вистината, а голем дел од нив ќе бидат во шок“, кажа Лукаку.