„Дно, нула, ниту „р“ од ракомет“ – битолската јавност бесна по новиот пораз од Вардар!

Вардар вчера го победи Еурофарм Пелистер во македонското ракометно дерби и најави пеколна сезона во македонскиот ракомет.

Овој пораз за Еурофарм Пелистер, веќе беше втор од најголемиот ривал сезонава. Па поради тоа и незадоволството кај битолските навивачи е огромно.

На една најпознатите навивачки страни посветени на битолската гордост беше објавена порака за преземање на одговорност, а ниту коментарите од навивачите на објавата не се многу поразлични.

„ПОРАЗ ! ДНО ! НУЛА ! НИ ‘Р’ ОД РАКОМЕТ !

ВРЕМЕ Е ЗА ОДГОВОРНОСТ ! ЃАВОЛОТ ЈА ОДНЕЛ ШЕГАТА ! СТРУЧЕН ШТАБ, СПОРТСКИ ДИРЕКТОР – ОДГОВОРНОСТ ОДМА ! ОВА БИТОЛА НЕ ГО ЗАСЛУЖУВА, ОВА ЧКЕМБАРИ НЕ ГО ЗАСЛУЖУВААТ !“, стои во објавата.