Ѓоковиќ по победата во финалето го откри и неговото тајно оружје

Прегратката на Новак Ѓоковиќ и неговата ќеркичка Тара веднаш по триумфот на УС-Опен го обиколи светот и овој момент воодушеви многумина.

По натпреварот Ѓоковиќ беше запрашан да ја објасни оваа емотивна прегратка, а Ѓоковиќ во тој момент откри една негова тајна.

„Во текот на целиот меч гледав што прави Тара. Седеше во првиот ред, свртена кон мене и се насмевнувавме неколку пати еден на друг. Има само шест години, но ми ја даде потребната енергија во моментот кога требаше да ја имам таа разиграност.

Затоа прво што направив е што отидов кај неа. Се разбира таа ми е ќерка, но и зошто таа најмногу ми помогна на овој натпревар. Ја сакам многу и имајќи ја неа, мојата сопруга, синот Стефан и родителите – ја почувствував поддршката и љубовта од сите нив. Дефинитивно ова е и нивни трофеј“, порача Новак.

Jubilation in the box for Novak! pic.twitter.com/BsjN7kekFL

— US Open Tennis (@usopen) September 10, 2023