Тер Штеген не мрда од Барселона: Потпиша нов договор, познати и деталите

Германскиот голман Марк Андре Тер Штеген постигна договор со Барселона за продолжување на соработката на уште пет години.

Тер Штеген веќе девет години е дел од тимот на Барселона, па ќе остане верен и понатаму во следните пет години. Ако одработи договорот до крајот тогаш ќе помине во Барселона цели 14 години.

Во редовите на Барселона, Германецот пристигна во 2014 година како замена за Виктор Валдес.

Прво се натпреваруваше за место во тимот со Клаудио Браво, а потоа стана неприкосновен на голманската позиција. Барселона за неговите услуги при доведувањето плати 12 милиони евра.

Во сегашниот договор на Тер Штеген откупната клазула изнесува пола милијарда евра.