Драма во 1 часот по полноќ: Ѓоковиќ итно побарал од Иванишевиќ решение за проблемот

Доказ колку српскиот тенисер не остава ништо на случајноста и колку сака да биде подготвен за секоја ситуација.

Новак Ѓоковиќ се пласираше во полуфиналето на Вимблдон победувајќи го Андреј Рубљев, но сега се појавија информации за неговиот претходен меч против Хуберт Хуркач кој се играше 2 дена.

На сите веќе им е познато дека во осминафиналето натпреварот на Новак беше прекинат поради таканаречениот полициски час по 2 сета кои Србинот ги доби во тај-брејк, а тоа продолжи и следниот ден, кога Новак го загуби третиот сет, но потоа го освои четвртиот и победи.

Сепак, во ноќта меѓу паузата и продолжението на мечот, српскиот тенисер го вклучи алармот во својот тим, па по полноќ Горан Иванишевиќ имаше полни раце работа.

Имено, српскиот тенисер беше многу незадоволен што не успеа да му се закани на Хуркач на негов сервис, кој беше импресивен.

Полјакот имаше дури 33 асови и 80% од освоените поени на свој сервис. На крајот, самиот Новак по мечот призна дека не се сеќава кога се чувствувал толку мизерно кога противникот сервирал.

Очигледно Ѓоковиќ сакаше да го анализира и сервисот на противникот и неговото враќање и да смисли тактика со која може да се реши проблемот.

Пет Кеш, победник на Вимблдон во 1987 година, изјави за Би-Би-Си дека Иванишевиќ барал видео материјал од првите два сета во 1 часот по полноќ.

Горан Иванишевиќ во 1 часот по полноќ, ноќта меѓу недела и понеделник му испрати порака на некој задолжен за видео материјалот. Тој сакаше да види снимки со забавена снимка од враќањето на сервисот на Новак против Хуркач затоа што Ѓоковиќ не беше среќен, рече Австралиецот на подкастот на Би-Би-Си 5.