Ѓоковиќ откри кога се враќа на терените!

Српскиот тенисер Новак Ѓоковиќ потврди дека новата сезона ќе ја започне на првиот Грен слем, отвореното првенство на Австралија во Мелбурн.

„Ќе ја почнам сезоната во Австралија, засега редовно тренирам“, изјави Ѓоковиќ.

Изминатите три години Ѓоковиќ сезоната ја започнуваше на турнирот во Доха од Серијата 250. На трите последни настапи тој двапати победи во Доха, а на почетокот на годината во овој град ја прекина импресивната серија на Енди Мареј од 28 победи по ред.

Српскиот тенисер, кој поради повреда уште во јули ја заврши сезоната, потврди дека процесот на рехабилитација оди според предвиденото и дека не сака да брза со враќање на терените.