Јувентус во Реал најде замена за Рабио

Тренерот на Јувентус, Масимилиано Алегри сака да го засили тимот со играч на Реал Мадрид, пренесуваат италијанските медиуми.

Адриен Рабио на лето најверојатно ќе го напушти Јувентус, а Алегри како негова замена го сака Себаљос од Реал Мадрид.

Договорот на Шпанецот со „кралскиот“ клуб истекува во јуни и нема најави за негово продолжување, па „бјанконерите“ сакаат да ја искористат ситуацијата.

Себаљос не добива голема минутажа во Реал, но Алегри верува дека идеално би се вклопил во неговиот тим.

Раководството на „старата дама“ стапило во контакт со агентот на Себаљос и спремни се да му понудат 4-годишен договор.