Џоел Ембид нов МВП во НБА лигата!

Српскиот кошаркар Никола Јокиќ не успеа да направи хет-трик кога станува збор за МВП признанието за регуларниот дел од сезоната. За нов МВП како и што се најавуваше е прогласен Камерунецот Џоел Ембид. Ѕвездата на Филаделфија од вкупно 100 гласови, освои дури 75 и убедливо ја победи конкуренцијата.

Јокиќ кој во изминатите две години го освојуваше ова признание доби 15, а Адетокумбо 12. Регуларниот дел од сезоната Ембид го заврши со просек од 33 поени, десет скока и четири асистенции по натпревар.

Од друга страна Јокиќ забележа 24,5 поени, 11,8 скока и 9,8 асистенции по натпревар.