МЗТ ги отвара вратите: Влезот за клучниот натпревар во АБА лигата е бесплатен!

Во петок МЗТ Скопје го очекува клучниот натпревар против Цибона во последното коло од АБА лигата.

За да се надева на опстанок во АБА лигата МЗТ мора да победи. Поради тоа повеќе од јасно е дека на „штрковите“ им е потребна голема поддршка. За таа цел клубот одлучи за овој натпревар влезот да биде слободен.

„Нашите момци в петок (14 април), против KK Cibona (18 часот) го играат последниот меч од регуларниот дел од сезоната во АБА, во кој победата е задолжителна за да останеме во игра за опстанок во јадранската елита. За такво нешто ќе ни биде потребна вашата помош од трибините. Ова е идеална можност да покажеме колку е голема симбиозата помеѓу Аеродром и KK MZT Skopje Aerodrom, но и колку останатиот дел од градот и од Македонија верува и ужива во настапите на сино-белите кошаркари.

Затоа, на Велики петок сите патишта нека водат кон „Јане Сандански“. Трибините нека бидат исполнети до крај и нека ечи песната на нашите навивачи. Заедно секогаш сме посилни, а сплотени секогаш победуваме! Ова нека биде спектакл во предвечерјето на големиот празник Велигден, голем хепенинг со заедничка радост на крајот.

ВЛЕЗОТ Е БЕСПЛАТЕН!“, објави МЗТ.