Потврдено: Милан сам ќе гради нов стадион

Актуелниот италијански шампион Милан одлучи сам да започне проект за изградба на нов стадион, потврди градоначалникот на Милано.

Милан и Интер имаа заеднички проект за изградба на нов стадион на местото каде што е „Сан Сиро“, но не можеа да најдат заеднички јазик со градските власти.

Милан сака што побрзо да изгради нов стадион, новиот сопственик Кардинале веќе ја има обезбедени финансиската структура, па поради тоа одлучија да сами да градат стадион.

Актуелниот шампио на Италија, како што пренесува „Газета дело Спорт“ сам влегол во оваа авантура, без градскиот ривал.

„Росонерите“ нашле локација во областа „Ла Маура“ недалеку од Сан Сиро и веќе го презентирале проектот пред градските власти.

Новите сопственици сакаат што побрзо да се почне со изградба на стадионот, кој ќе биде модерен и со капацитет од 70.000 седишта.