MЗТ Скопје вечерва приреди изненадување во АБА лигата ја запиша четвртата победа во елитното регионално натпреварување. „Штрковите“ беа подобри против ФМП (87:82) кој е петти тим на табелата, но за нив ова беше трет пораз во низа.
Гледавме неизвесен натпревар од почетокот до крајот, а МЗТ покажа дека може да надигрува и со екипи кои се повисоко пласирани. Почетокот донесе подобра игра на гостинскиот тим, но МЗТ брзо се врати во игра и по првиот период ФМП водеше со 13:17.
Кој ќе биде новиот шампион, Сити или Арсенал? ↓↓↓
Добрата игра на МЗТ продолжи и во вториот период кога го имаа и првото водство на натпреварот, сепак финишот од втората четвртина донесе подобра игра на ФМП, па на пауза заминаа со три поени предност (35:38).
Третата четвртина беше најдобриот период на МЗТ и токму тука беше одлучен победник. Овој период МЗТ го доби со 12 поени разлика (30:18), па во последниот период влезе со предност. Се обиде противникот да се врати во натпреварот, но МЗТ не дозволи и ја задржа предноста за победа од 87:82.
Учество во игри на среќа е дозволено за лица со 18+ години. Играј одговорно!