Трагедија во Шпанија: Воз прегази фудбалер кој претходно преживеа пад од трети спрат

Поранешниот шпански фудбалер Палејо Ново трагично настрада откако го прегазил воз на линијата Овиедо – Сиеро.

Шпанецот беше легенда на Овиедо и миленик на навивачите на овој клуб, а во текот на кариерата одигра повеќе од 200 натпревари. Играше уште за Елче, Луго, Кордоба и Албасете.

Додека играше за Албасете доживеа несреќа во која падна од третиот спрат на еден хотел и од тогаш никогаш не се опорави. Користеше штаки за да може да оди и се префрли на тенис во количка каде што настапуваше со успех и беше 12-ти играч во светот.

Шпанските медиуми во 2018 година пишуваа дека всушност тоа било и обид за самоубиство на фудбалерот затоа што претходно подолго време имал проблеми со депресијата.