Дома Фудбал Тен Хаг е јасен: Разбирам дека Мартинез е во еуфорија, но треба да сфати и дека имаме натпревар на 27-ми

Тен Хаг е јасен: Разбирам дека Мартинез е во еуфорија, но треба да сфати и дека имаме натпревар на 27-ми

Лисандро Мартинез со Аргентина стана светски шампион и секако дека тој како и останатите Аргентинци е во голема еуфорија, сепак набрзо ќе мора да се појави во тренинг центарот на Манчестер Јунајтед.

За Аргентина ова беше прва светска титула по пауза од 36 години и фудбалерите секако дека се уште уживаат во прославата.

Меѓутоа Тен Хаг сака Мартинез колку што е можно побрзо да дојде во клубот затоа што Премиер лигата продолжува многу брзо.

„Разбирам дека Лисандро слави во Буенос Аирес, секако дека знам што значи светската титула и еуфоријата. Но, исто така и тој треба да сфати дека имаме натпревар на 27. декември, Премиер лигата продолжува, немаме многу избор“, изјави Тен Хаг.

Претходно Јирген Клоп и Пеп Гвардиола критикуваа што Премиер лигата продолжува само една недела по завршувањето на Мундијалот.

Ливерпул и Сити веќе вчера играа натпревар од Лига Купот, победија „граѓаните“ со 3:2.

Коментари
Прочитајте поврзани статии
Load More In Фудбал

Проверете

Хрватска – Чешка 2:1: Перишиќ по две минути, Мајер во 87. минута за победа во Осиек

Хрватска во последното коло од групата во Лигата на нациите ја совлада Чешка со 2:1. Периш…