Далиќ по бронзата до Чиро Блажевиќ: Шефе, ова е за тебе!

Хрватскиот селектор Златко Далиќ му ја посвети бронзата во Катар на легендарниот Чиро Блажевиќ.

Далиќ по победата од 2:1 против Мароко посочи дека овој медал сјае како злато затоа што повторувањето на успехот од Русија за второ полуфинале е историски момент и потврда за големината на хрватскиот фудбал.

„Оваа бронза е како злато за нас, голема работа е да си трет во ваква конкуренција. Момците изгинаа на теренот.

Но, ова не е мој успех, ова е успех на човекот кој започна сето ова, тоа е Чиро Блажевиќ. Шефе, ова е за тебе“, порача Далиќ.