Стерлинг се враќа во Катар, ќе биде спремен за Франција

Англискиот репрезентативец Рахим Стерлинг ќе се врати во Катар на Светското првенство и ќе биде во комбинација за настап против Франција во четвртфиналето.

Ѕвездата на Челзи го напушти кампот во Катар поради грабеж во неговиот дом. Тој остана неколку дена во Англија, затоа што сакаше да се увери дека неговото семејство е безбедно, по што реши да се врати во Катар.

Стерлинг ќе и се приклучи повторно на репрезентацијата утре наутро и ќе биде во комбинација за настап против Франција во сабота. Тој ги одигра првите два натпревари од групната фаза и запиша еден гол и една асистенција.