Аларм во Шпанија: Гави порано го заврши тренингот поради повреда

Шпанскиот фудбалер Гави го пропушти денешниот тренинг поради полесна повреда, еден ден по ремито на неговата репрезентација со Германија на Светското првенство.

Младиот играч за врска вчерашниот натпревар (1:1) го заврши во 66. минута, а според информациите не се очекува повредата да влијае на неговиот настап во последното коло од групата Е против Јапонија.

Гави беше стрелец во првото коло на Мундијалот во убедливата победа против Костарика (7:0), со што стана најмладиот стрелец на Мундијалите од 1958 година после Пеле.

Шпанија во последното коло влегува како првопласирана и со четири бода, а за пласман во осминафиналето доволно е и реми. Јапонија и Костарика имаат по три бода, а Германија е последна со бод.

Во последното коло в четврток Шпанија од 20 часот игра против Јапонија, а во исто време се среќаваат Германија и Костарика.