Роберт Левандовски и Лионел Меси беа ривали во борбата за „Златната топка“, меѓутоа тоа не му пречи на полскиот голгетер да испрати пофалби до Аргентинецот.
Зошто проблемот со улични кучиња СÈ УШТЕ постои? | Уште еден поткаст
Левандовски пред Светското првенство во Катар даде интервју во кое изрази желба да игра со Меси во тимот, а Аргентина ја гледа како еден од фаворитите на Мундијалот.
„Мислам дека оваа Аргентина со Меси во тимот е меѓу најголемите фаворити за освојување на Светското првенство. Тие се непобедливи повеќе од 30 натпревари, повеќе од три години, играат одлично и има посебна енергија меѓу нив“, изјави Левандовски.
Тој индиректно повика Меси да се врати во Барса.
“Не знам што носи иднината, но за еден напаѓач е остварување на сонот да игра со Лео Меси. За мене тоа е една од моите најголеми желби, без сомнение. Меси знае како да ги пробии линиите со магични додавања, во тоа е најдобар на светот. Секој напаѓач станува уште подобар покрај него во тимот“, истакна Левандовски.
Учество во игри на среќа е дозволено за лица со 18+ години. Играј одговорно!