Дончиќ блескаше па промаши шут за победа, одличен и Јокиќ – порази за Далас и Денвер 🎥

Откако вчера започна новата сезона, изминатата ноќ продолжија возбудувањата во НБА лигата.

Лука Дончиќ и Далас забележаа пораз на првиот натпревар во сезоната од Феникс со 107:105. Имаа шанси кошаркарите на Далас да стигнат до победа, но Дончиќ не го погоду шутот за три од осум метри.

Сепак, Словенецот беше најдобар на паркетот и натпреварот го заврши со 35 постигнати поени, имаше 13/13 од линијата за слободни фрлања, а додаде уште девет скока и шест асистенции. Во редовите на Феникс со 28 поени и 9 асистенции најдобар беше Букер.

Одлична вечер имаше и Никола Јокиќ, но и српскиот кошаркар не беше доволен за победа на Денвер кој беше убедливо поразен од Јута со 123:102. Јокиќ постигна 27 поени, подели шест асистенции и додаде уште четири скока. Кај Јута најдобар беше Секстон со 20 поени и пет скока.

НБА РЕЗУЛТАТИ: Детроит – Орландо 113-109, Индијана – Вашингтон 107-114, Алтанта – Хјустон 117-107, Бруклин – Њу Орлеанс 10-8-130, Мемфис – Њујорк 115-112 (прод.), Мајами – Чикаго 108-116, Торонто – Кливленд 108-105, Минесота – Оклахома 115-108, Сан Антонио – Шарлот 102-129, Јута – Денвер 123-102, Феникс – Далас 107-105, Сакраменто – Портланд 108-115.