Фантастичниот Грузиец на Наполи од вчера има прекар по легендарниот Марадона

Тимот на Наполи игра фантастична сезона и изгледа незапирливо.

Италијанскиот тим после четири одиграни натпревари во Лигата на шампионите има четири победи со 12 бодови и веќе го обезбеди пласманот во осминафиналето, прашање е само од која позиција ќе оди во нокаут фазата. Вчера со 4:2 го совладаа Ајакс и одличен натпревар повторно одигра Квича Кварташкелија.

Грузиецот прво запиша асистенција за Распадори во 16. минута, а потоа самиот се запиша во листата на стрелци во 62. минута. После сите одлични настапи за Наполи сезонава Кварташкелија доби нов прекар и тоа по легендарниот Диего Марадона.

Kvaradona ✨

— UEFA Champions League (@ChampionsLeague) October 12, 2022

„Кварадона“ е новиот прекар на грузискиот фудбалер и тоа го објавија луѓето на официјалниот сајт на Лигата на шампионите.

Во сите конкуренции сезонава Кварташкелија има 13 натпревари и седум голови и уште толку асистенцци.