Што значеше новата прослава на Роналдо?

Роналдо вчера против Евертон го постигна првиот гол во новата сезона во Премиер лигата.

Португалецот по натпреварот се најде во центарот на вниманието бидејќи многумина ја коментираа неговата прослава на погодокот.

Навивачите на Роналдо веруваат дека легендарната прослава „Сиуууу“ заминува во легендите бидејќи синоќа Роналдо го прослави голот на поинаков начин каков што не сме го виделе во претходните години.

Роналдо го прослави голот со Ентони, а многумина веруваат дека ова сега ќе биде прославата што ќе ја искористи португалскиот напаѓач откако ќе постигне гол.

Објаснување зошто Роналдо решил на ваков начин да го прослави голот се уште не се појавило, а секако веќе почнаа шпекулациите дека тоа било некаква порака за Тен Хаг и сите негови критичари.