За поништениот гол реагира и Бонучи: Никогаш нема да дознаеме што гледаа судиите

Во една драматична завршница Јувентус иако имаше негатива можеше да стигне и до победа против Салернитана.

За неколку минути „старата дама“ постигна два гола, меѓутоа вториот на Милик беше поништен поради офсајд позиција. Тоа предизвика голем број реакции во јавноста, а се огласи и Леонардо Бонучи.

Офсајдот беше досуден затоа што се сметаше дека Бонучи кој и онака не влијае на акцијата е најблиску до голманот. Сепак, причината за бурните реакции е што никој не го гледаше Кандрева кој стои во близина на корнер знаменцето и е најблиску до голот.

„Ако ги погледнете линиите од тревата, Кандрева е поблиску од мене до голот и тој ме остава во дозволена позиција. Никогаш нема да дознаеме што гледаа судиите. Не ни останува ништо друго, мора да го анализираме првото полувреме. Ако играме така, нема да стигнеме никаде“, изјави дефанзивецот на Јувентус.

VAR makes a mistake & when checking for offsides completely disregards Candreva.

This happened in the last play of the game, when Juventus scored the game winning goal. So no biggie I guess. pic.twitter.com/MFBFGVDOXG

— IG: DebatableFootballOpinions (DFO) (@DebatableFO) September 11, 2022