Карагер: Халанд може да биде еден од најдобрите во историјата на Премиер лигата

Легендата на англискиот фудбал, Џејми Карагер тврди дека Ерлинг Халанд има потецијал да биде најдобриот фудбалер кој некогаш играл во Премиер лигата.

„Манчестер Сити ги направи најдобрите трансфери. Продадоа некои напаѓачи, но ги доведоа Аларез, кој има квалитет, и Халанд кој пак изгледа застрашувачки“.

„До моментов сме гледале многу квалитетни фудбалери во Премиер лигата, но тука зборуваме за поспецијален фудбалер. Кога ќе ја заврши кариерата ќе зборуваме за еден од најдобрите кои некогаш играле во Премиер лигата. Халанд може да биде најдобриот фудбалер кој некогаш играл во Премиер лигата“, изјави Карагер.