Тен Хаг тврди: Роналдо не сакаше да замине

Сагата околу иднината на Кристиано Роналдо траеше во текот на целото лето, бидејќи Португалецот сакаше да го напушти Манчестер Јунајтед.

Роналдо сакаше да се пресели во тим кој настапува во Лигата на шампиони, но не успеа, а сега тренерот на „црвените ѓаволи“ тврди дека тој никогаш немал желба да замине.

„Разговарав со Роналдо неколку пати, се договоривме тој да остане – инаку сега немаше да биде член на Манчестер Јунајтед. Кристиано е исклучителен фудбалер, на тренинзите евидентно е дека може да одговори на барањата на стручниот штаб. Тој е необичен играч, нема систем на игра во кој не се вклопува. Тој многу добро знае што бараме од него“, изјави Холанѓанецот.

„Роналдо е дел од моите планови од самиот почеток, среќен сум бидејќи тој е дел од тимот. И двајцата сакаме нашата сезона да биде успешна. Тој немаше желба да замине и среќен сум поради тоа“, додаде Тен Хаг.