Ѓорческа елиминирана од турнирот во Прага: Доби еден сет, па ги загуби следните два со 0:6

Македонската тенисерка, Лина Ѓорческа неуспешно го стартуваше турнирот во Прага откако претрпе пораз кој е малку чуден.

Македонката одлично го започна мечот и првиот сет го доби со 6:3, а потоа застана и не освои ниту еден гем во следните два сета, двата ги загуби со по 0:6. Вакво нешто на Ѓорческа и се случува за првпат во кариерата.

На турнирот во Прага македонската тенисерка ќе остане во натпреварувањето во двојки каде што ќе игра со Деа Херделаж, противнички им се Анета Лабуткова и Јована Мархова.