Претседателот на ПСЖ, Насер Ал-Келаифи инсистира на тоа дека нема проблем помеѓу Килијан Мбапе и Нејмар, споредувајќи ги нивните фрустрации како оние помеѓу брат и сестра.
Гласините за незадоволство помеѓу двете ѕвезди на „светците“ се засилија после победата на клубот од Париз од 5:2 против Монпелје на 13. август. По овој натпревар се пишуваше за наводен голем конфликт во соблекувалната во кој ситуацијата ја смирувал Серхио Рамос.
Пред дербито, падна најважниот потпис во Манчестер Сити! ↓↓↓
Набрзо потоа внимание привлече „лајкот“ на Нејмар на социјалните мрежи на објава дека Мбапе после новиот договор почнал да се однесува како да е сопственик на клубот. После вчерашниот ждреб за Лигата на шампионите на кој ПСЖ за противнции ги доби Јувентус, Бенфика и Макаби Хаифа новинарите го прашаа Ал-Келаифи и за оваа ситуација.
„Не, не. Воопшто нема проблеми. Мислам дека проблемите ги правите само вие новинарите. Тоа се нормални расправии како помеѓу брат и сестра, Килијан и Нејмар се добри соиграчи и добри пријатели“, порача Ал Келаифи.
ПСЖ фуриозно ја отвори новата сезона во Лига 1 со три победи и со 17 постигнати голови.
Учество во игри на среќа е дозволено за лица со 18+ години. Играј одговорно!