Гвардиола за Бернардо Силва: Сакам да остане, но не се прашувам јас

Бернардо Силва во финишот од преодниот рок се поврзува со заминување од Манчестер Сити, Барселона се споменува како опција. Пеп Гвардиола призна дека не сака да се раздели со одличниот фудбалер.

Португалецот по пристигнувањето на „Етихад“ се промовираше како еден од најважните фудбалери на Сити, па затоа и Гвардиола сака да го задржил. Сепак Шпанецот е свесен дека не ја носи одлуката само тој.

„Сакаме да остане со нас, навистина е посебењн играч. Но, не зависи од мене, не се прашувам јас. Ќе видиме каков ќе биде крајниот исход“, изјави Гвардиола.

Манчестер Сити одлично ја стартуваше сезоната во Премиер лигата и веќе има две победи во првите два натпревари.