„Ако бев во Јунајтед ќе му кажев на Тен Хаг да си ги пакува куферите“

Од сите страни пристигнуваат критики за Манчестер Јунајтед за играта која ја прикажа тимот против Брентфорд во дебаклот од 4:0.

Во првото коло Јунајтед изгуби со 1:2 од Брајтон, а вчера доживеа катастрофа против Брeнтфорд.

 „Ова не е Манчестер Јунајтед каков што сите сакаме да гледаме. Ако бев во клубот по мечот ќе му кажев на Ерик – пакувај си ги куферите“, искоментира Габриел Агбонлахор, па објасни.

„Имаше време, ги одработи целите подготовки, а на почетокот на сезоната гледаме вистински хаос. Фудбалерите како да не се познаваат на теренот, не смее такво нешто да си дозволи“.