ПСВ – Монако: Само за еден има место во следната фаза

По нерешениот резултат 1:1 во првиот натпревар од третото коло во Лигата на шампионите, ПСВ Ајндховен и Монако ќе бијат битка реваншот во Холандија на Филипс стадионот.

Двете екипи ги започнаа своите домашни сезони со победи викендов, а победникот од овој двомеч ќе се сретне со Глазгов Ренџерс или Ројал Унион СГ за место во групната фаза.

ПСВ со добар старт сезонава

Се чини дека екипата на ПСВ ќе има добра сезона, барем според резултатите од првите натпревари сезонава. ПСВ постигна пет гола против Ајакс во неверојатниот натпревар во Суперкупот на Холандија во победата од 5:3. Потоа тимот на Руд ван Нистелрој доживеа помала радост за време на нивното патување на Стад Луис II, играјќи го првиот натпревар против Монако 1:1.

Во Франција, ПСВ на полувремето замина со водство од 0:1 благодарение на голот на Џои Верман, но израмнувачкиот гол на Аксел Дисаси на 10 минути до крајот значеше конечни 1:1.

Започнувајќи уште една сезона во која сакаат да стават крај на повеќегодишното владеење на Ајакс во Ередивизие, ПСВ ќе влезе во реваншот по стартната победа од 4:1 против Емен во домашниот шампионат.

Утешната награда – место во групната фаза во Лига Европа ќе биде нивна ако не успеат да извлечат подобар резултат од Монако оваа недела.

Монако сонува за пласман во ЛШ

Монако беше подобар на првиот меч, барем гледано статистички – но тоа не беше доволно за победа. Сега францускиот тим оди во Холандија без предност и ќе има тешка задача. Екипата на Стразбур која беше одличнаминатата сезона во Лига 1 се надеваше дека ќе ја искористи предноста во однос на фокусот на Монако викендов, но Монако славеше стартна победа во лигата од 1:2.

Крепин Диата и Софијан Диоп постигнаа два гола за гостите пред Хабиб Диало да ги направи работите интересни на 25 минути до крајот, но Монако беше тој кој изгледаше одлично и не дозволи израмнување.

Сепак, с ечини дека напаѓачите не се расположени за голови. Монако го диктираше темпото против ПСВ, но постигна еден гол. Така беше и против Стразбур против кого имаше неверојатни 24 шутеви кон противничкиот гол, но постигна само два гола.

Монако минатата година стигна до квалификациската рунда за плејофот за Лигата на шампионите, пред да биде елиминиран од Шахтјор Доњецк, па сега мотивите за пласман во елитата по долго време се огромни.

Тимски новости: ПСВ

Карлос Винисиус, Нони Мадуке, Мауро Жуниор и Оливие Боскаљи отсуствуваа викендов и нема да можат да настапат на овој меч. Сепак Нистелрој има доста широк тим, па успеа да ја сочува свежината викендов против Емен кога имаше добри ротации во тимот.

Можниот стартен состав на ПСВ Ајндховен: 4-3-3 – Бенитез; Ховер, Тезе, Обиспо, Макс; Сангаре, Верман, Тил; Бакајоко, Де Јонг, Гакпо.

Тимски новости: Монако

Александар Головин и Кевин Воланд ќе се вратат во тимот по одлежувањето на суспензијата во победата над Стразбур, но Диоп и Диата нема лесно да ги отстапат местата откако одиграа одличен меч викендов. Каио Хенрике е позитивен на КОВИД-19, а Беноа Бадијашиле, Мајрон Боаду, Вилем Гебелс и новото засилување Такуми Минамино се повредени.

Можниот стартен состав на Монако: 4-3-2-1 – Нубел; Вандерсон, Дисаси, Марипан, Јакобс; Матазо, Фофана; Диоп, Воланд, Головин; Бен Једер