Oткако англискиот прволигаш Челзи го напушти претседателот Петар Бак, а на крајот на преодниот рок ќе замине и директорката Марина Грановскаја, заминување објави и поранешниот голман, сега технички советник Петар Чех.
Поранешниот голман на чешката репрезентација и францускиот прволигаш Рен со Челзи освои 13 трофеи како играч, а на управата на клубот се приклучи во 2019 година.
„Беше привилегија во изминатите три години да се извршува функција во Челзи“, изјави Чех.
Откако клубот од рускиот милијардер Роман Абрамович го купи конзорциумот на чело со Тод Боели, Челзи започна постапка за промена на раководството. Боели привремено ќе ја извршува и улогата спортски директор.
Коментари
Учество во игри на среќа е дозволено за лица со 18+ години. Играј одговорно!