Салихамиџиќ: Разговарав со Левандовски и му објаснив

Спортскиот директор на Баерн Минхен, Хасан Салихамиџиќ, откри дека разговарал со Роберт Левандовски, кој јавно потврди дека сака да го напушти клубот.

Левандовски изјави дека неговата ера во Баерн е завршена и сака да си оди, иако има договор на уште една година.

„Роберт ми се јави во понеделникот. Меѓу другото, разговаравме за неговите јавни изјави. Јас јасно го објаснив нашиот став за неговата ситуација околу договорот. Нашата одлука е тој да остане“, изјави Салихамиџиќ.

Во Баерн упорно тврдат дека немаат намера да го пуштат Левандовски ова лето и ја одбија понудата од Барселона.

Bayerns Transfer-Krach spitzt sich zu: Salihamidzic berichtet von heiklem Telefonat mit Lewandowski https://t.co/sLVwodZ98V

— tz (@tzmuenchen) June 7, 2022