Бензема потпишува нов договор со Реал Мадрид

Реал Мадрид се подготвува за ново финале во Лигата на шампионите кое ќе го игра на 28. мај против Ливерпул. Еден од најважните играчи на „кралевите“ оваа сезона без дилеми е францускиот напаѓач Карим Бензема кој игра во фантастична форма.

Во претстојниот преоден рок за Реал главната цел ќе бидат засилувањата, но „кралевите“ сакаат да ја расчистат ситуацијата со некои актуелни нивни играчи, а помеѓу тие фудбалери е и Бензема. Најавите од Шпанија се дека Реал сака да го задржи Бензема најмалку уште две години.

Не е Бензема единствен на кој ќе му биде понуден нов договор, но веројатно е прв на листата. Актуелниот договор на Бензема со Реал има важнсот до летото 2023 година, но во Реал сакаат дополнително да го наградат со продолжување до 2024. Шпанска „Марка“ пренесува и дека Бензема нема ништо против да го продолжи договорот, па така преговорите се скоро и завршени.