Голманот на Тројес бараше од Нејмар да го направи славен

ПСЖ и Тројес ремизираа 2:2 во натпреварот од 36. коло во француската Лига 1.

Во еден натпревар без резултатско значење за двата тима беа видени четири голови, а еден од нив го постигна Нејмар од пенал и тоа во 25. минута. На овој пенал му претходеше интересен разговор помеѓу Нејмар и голманот на Тројес Џеси Моулин.

Долго разговараа пред изведувањето на пеналот, а Моулин после натпреварот откри што побарал од Нејмар.

Quand Jessy Moulin essaie de déstabiliser Neymar avant son penalty 😄 pic.twitter.com/yzrFfgdiBd

— Vibes Foot (@VibesFoot) May 8, 2022

„Му кажав: Знаеш ли дека ќе станам ѕвезда ако ти го одбранам пеналот? Барем кажи ми на која страна ќе шутираш. Семејството ме гледа и би сакал да ги направам горди. Се насмеа и ми кажа сам да ја одредам страната. Останав на средина“, изјави Моулин.