Ерата на Роман Абрамович во Челзи и официјално заврши, откако денес лондонскиот клуб официјално потврди дека е постигнат договор со американскиот конзорциум предводен од Тод Боли, „Клирлејк Капитал“, Марк Болтер и Хансјорг Вајс.
Боли заедно со своите партнери го купи клубот во инвестиција вредна околу 4.5 милијади евра, но се уште се чека да се случат две работи за да можат и официјално да го преземат клубот. Потребни се дозволи од Премиер лигата и од владата на Велика Британија за финализирање на договорот.
Дејан Димовски: Скопје троши 700 литри вода дневно по жител | Уште еден поткаст ↓↓↓
„Од вкупната направена инвестиција, 2,9 милијарди евра ќе бидат искористени за купување акции во клубот, а тој приход ќе биде депониран на замрзната банкарска сметка во Велика Британија со намера 100% да се донира во добротворни цели“, соопштија од Челзи.
Сите детали околу продажбата треба да бидат готови до крајот на мај, а се ќе треба да се случи до 31 мај за Челзи да добие дозвола да се натпреварува следната сезона. Ова ќе биде крај на 19-годишното „владеење“ на Роман Абрамович во клубот, во кои тимот освои пет трофеи во Премиер лигата, две титули европски шампиони и една титула светски првак.
Учество во игри на среќа е дозволено за лица со 18+ години. Играј одговорно!