(Видео) „Топџиите“ паднаа во Британија, Хесе стрелаше на дебито!

Во второто коло од Премиер лигата не очекуваше и едно изненадување, екипата на Арсенал запиша пораз на гостувањето против Стоук.

Натпреварот помеѓу Стоук и Арсенал беше последен во денешната програма, а во него се радуваа домаќините. Единствениот гол на натпреварот беше дело на новото засилување на Стоук Хесе Родригез кој стрелаше на стартот од вториот дел.

Избраниците на Венгер иако беа подобар противник на теренот никако не успеваа да го пронајдат патот до мрежата на Бутланд, па така „топџиите“ мораа да се помират и со првиот пораз во сезоната.

Да потсетиме, Арсенал во првото коло запиша победа против тимот на Лестер со резултат 4:3. Во следното коло „топџиите“ ги очекува големото дерби против Ливерпул, додека Стоук ќе игра против тимот на ВБА.