Милан добива нов газда и прави „дрим-тим“

Милан наскоро ќе добие нови сопственици, иако преговорите со арапскиот фонд „Инвесткорп“ се во напредна фаза, сепак во клубот пристигна уште една понуда.

„Елиот“ во чија сопственост е сега Милан добил понуда од „РедБирд Капитал Партнерс“ тешка една милијарда евра.

Интересно е што „Ред Брд“ е инвеститор во „Фенвеј спортс груп“, фирма што е сопственик на Ливерпул и на Бостон ред сокс во професионалната безбол лига на Америка.

„Газета дело Спорт“ пренесува дека кој и да биде нов сопственик, сигурно ова лето ќе има големи инвестиции и значително засилувања на тимот.

Новите сопственици сакаат да донесат барем една голема ѕвезда, а се спомнуваат Ријад Марез од Сити и Жоао Феликс од Атлетико Мадрид.

Исто така Милан во наредните денови ќе ги комплетира трансферите на Ренато Санчез и Свен Ботман од Лил, како и Ориги од Ливерпул.