Симеоне одговори на критиките за играта

Тренерот на Атлетико Мадрид, Диего Симеоне одговори на големите критики во однос на играта на тимот против Манчестер Сити во Лигата на шампиони.

Атлетико играше крајно дефанзивно против Сити со формација 5:5:0, што наиде на жестоки критики.

„Критики? Не мислам за тоа што другите зборуваат за нас! Секој си има сопствено мислење и јас го респектирам. Ние треба да продолжиме да работиме и да го даваме најдоброто за Атлетико“, изјави Симеоне.

Пред реваншот со Манчестер Сити, на „јораганџиите“ им претстои дуел со Мајорка во Примера.

„Примера е комплетно различна од ЛШ. Фокусирани сме на следните натпревари и сакаме да постигнеме најдобри резултати“, додаде Чоло.