ЛЕ: Ревија на стативи и два гола во ремито на Лајпциг и Аталанта

Фудбалерите на Лајпциг ремизираа на домашен терен со Аталанта во првиот натпревар од четвртфиналето во Лигата на Европа.

Во интересен дуел на две напаѓачки ориентирани екипи видовме два гола, но можеше да има барем уште толку. Аталанта поведе во 17. минута кога Муриел после додавањето од Запакоста го матираше Гуљаш.

Следуваше офанзива на домаќините, Андре Силва погоди статива, а на другата страна таква закана испрати Пашалиќ. Продолжија биковите да напаѓаат, досуден беше пенал во 58. минута, промаши Силва, во таа прилика се истакна Мусо.

Сепак, Аргентинецот не можеше ништо во нареднито напад после центрашутот на Анхелињо автогол си постигна Запакоста.