„Фалангата“ е спремна да го обои Палермо во црвено-жолто!

Македонската фудбалска репрезентација в четврток ќе го игра еден од најважните натпревари во својата историја – против Италија во Палермо во бараж за СП!

За првпат Македонија доби прилика да игра бараж за пласман на еден Мундијал, противникот е актуелниот европски шампион, но секако дека нема да излеземе со бело знаме. Оптимизмот е присутен и кај навивачите кои уште од вчера започнаа да се упатуваат кон Италија, а така продолжува и денес.

Во Палермо се очекува на трибините да има околу 1.300 навивачи, Фудбалската федерација на Италија веќе објави дека стадионот „Ренцо Барбера“ кој има капацитет од 36.000 е распродаден.