Лион и Ајнтрахт со гостински победи во Лига Европа

Лион и Ајнтрахт Франкфурт стигнаа до гостински победи во првите два меча од осминафиналето на Лига Европа.

Ајнтрахт Франкфурт го победи Бетис на гости со 1-2. Филип Костиќ во 14-та минута постигна гол за водство на Ајнтрахт, а израмни Набил Фекир во 30-та минута. Сепак, само две минути подоцна Камада повторно донесе предност за германскиот тим, што на крајот се покажа како конечен резултат.

Лион успеа да победи на гостувањето кај Порто, а херој за францускиот клуб беше Лукас Пакета, кој постигна гол во 59-та минута.