Официјално: Торино доби засилување од Јувентус

Торино и официјално соопшти дека Томас Ринкон е нов член на екипата на Синиша Михајловиќ.

Ринкон во Јувентус пристигна изминатата зима од Џенова, не играше многу, дури ниту во системот на ротации, па одлучи да замине во тимот каде ќе биде стартер.

„Ринкон е поливалентен играч, комплетен играч за врска кој поседува техника и физичка сила. Тој е голем тимски работник, поседува огромно искуство и ќе биде големо засилување за нас“, истакна претседателот на Торино, Урбано Каиро.